Ахсынньы 15 күнүгэр Дьокуускай куорат Национальнай бибилэтиэкэтигэр историческай саалатыгар төрөөбүт-үөскээбит Үөдэй нэһилиэгин 355 сыллаах үбүлүөйүгэр ананан тахсыбыт кинигэ биһирэмэ буолан ааста.

Кинигэ 17 үйэтээҕи Үөдэй буолаһа дэнэр кэмиттэн саҕалаан, нэһилиэк төрдө-ууһа, Аҕа уустара ханан тарҕанан үөскээн-тэнийэн олорбуттара, туох дьарыктаахтара, төрүччүлэрэ сиһилии ырытыллыбыт. Үөдэй нэһилиэгэ түн былыргыттан бу күннэргэ диэри олоҕо-дьаһаҕа кэпсэнэр.

Бу үтүөкэн кинигэни биир санаанан салайтаран, идея туһугар үлэлээн-хамнаан оҥорон таһаартардылар Үөдэй нэһилиэгин быһылыга Николаева Мария Пудовна, Арассыыйа билим академиятын Сибиирдээҕи салаатын Гуманитарнай чинчийии үнүстүтүүтүн билим үлэһитэ Гаврильев Семен-Аман Дьаҥсай. Кинигэҕэ Диана Вячеславовна Федорова уруһуйдара киирдилэр. Хаартыскалары тупсаран оҥордо Үөдэй нэһилиэгин баһылыгын солбуйааччыта Дмитрий Вячеславович Федоров.

Уонна маны таһынан Ньурбатааҕы кииннэммит библиотечнай ситим Үөдэй нэһилиэгин бибилэтиэкэрэ Крылова Наталия Вадимовна бырайыагынан Арассыыйаҕа дьиэ кэргэн сылыгар аналлаах "Үөдэй ыаллара" диэн кинигэ күн сирин көрдө.

Ыалдьыттарбыт истиҥ-иһирэх тыллары эттилэр.