Тохсунньу 13 күнүгэр "Айылгы" норуот айымньытын дьиэтигэр Григорьевтар дьиэ кэргэттэрин үөрүүлээх быһыыга-майгыга улуустааҕы Кыһыл көмүс бочуоттаах кинигэтигэр Үөдэй нэһилиэгин ЗАГС үлэһитэ Дмитрий Федоров киллэрдэ.

Бу үөрүүлээх түгэҥҥэ үбүлүөйдээхтэри Мария Пудовна Николаева-Үөдэй нэһилиэгин баһылыга истиҥ-иһирэх тыллардаах бэйэтин эҕэрдэтин, улуус баһылыгын, "Ньурба оройуона" муниципальнай тэриллии дьаһалтатын уонна улуус дьокутаттарын сүбэтин аатыттан, баайга дуолга сыһыаннаһыыларга уонна муниципальнай атыылаһыыларга кэмитиэтин аатыттан эҕэрдэ суруктары туттарда.

Григорьевтар дьиэ кэргэн үөрүүлэрин үллэстэн уонна бары үтүөнү баҕаран туран эҕэрдэ тыллары эттилэр Любовь Гаврильевна-Варвара Андреевна аатынан оскуола-уһуйаанын дириэктэрэ, кэллэктиибэ, Прокопий Семенович уонна Таисия Семеновна бииргэ төрөөбүттэрэ, видео нөҥүө оҕолоро, сиэннэрэ, кийииттэрэ.