Үөдэй нэһилиэгэр сэтинньи ый 3 күнүгэр Арассыыйаҕа Дьиэ кэргэн, Саха Өрөспүүбүлүкэтигэр Оҕо саас сылын чэрчитинэн Мэҥэдьэк, Октябрьскай нэһилиэктэр бибилэтиэкэрдэрин бырайыагынан, Үөдэй олохтоох бибилэтиэкэтин көҕүлээһининэн "Дьиэ кэргэн - биир сомоҕо" диэн күрэх бастакы түһүмэҕэ "Айылгы" норуот айымньытын дьиэтигэр ыытылынна. Күрэххэ уопсайа түөрт хамаанда кыттыыны ылла: 1. Анна Николаевна, Лиза, Саргылана Григорьевалар; 2. Марина Корнилова, Виталий, Татьяна Корниловтар; 3. Светлана Михайлова, Алик, Мария Ивановтар; 4. Андрей Корнилов, Валерия, Анастасия Нестеровичтар. Бу күрэххэ хас биирдии хамаандаҕа дьиэ кэргэнтэн үс киһи кытынна (5 сааһыттан үөһээ оҕо, төрөппүт уонна эһээ эбэтэр эбээ).

Түөрт араас түһүмэх ыйытыылара экраҥҥа сырдатылынна, кыттааччылар хоруйу суругунан толордулар. Күрэхпит быыһыгар сомоҕолоһуу күнүгэр аналлаах эҕэрдэ нүөмэрдэр киэргэттилэр. Бастакы тургутуу түһүмэх кыайыылаахтара Светлана Михайлова, Алик, Мария Ивановтар буоллулар.

Күрэхпит бириистэрин туруордулар:

- Үөдэй нэһилиэгин баһылыга Мария Николаева

- Үөдэй нэһилиэгин дьаһалтата

- В.А. Петрова аатынан оскуола-уһуйаан

- "Айылгы" норуот айымньытын дьиэтэ